HG 夜鶯 Nightingale WIP
2022年11月中動工，頭頭尾尾都搞起碼左兩個月；基本上今次作品係裝我學過練過既用曬落去：無縫、佈線刻線、加膠板、全機打磨、分色、加燈。
我扚起心肝咁搞呢隻嘢嘅時候，當然首先係上網做資料蒐集。望吓唔同風格嘅人點做，學下人佈線，不停刻出界不停補翻。然後期間中過Covid，基本上去到後期都冇乜心機搞，不過都算係第一隻花咁多心機時間落去搞 近睇好多甩漏，但係總算對得住自己
雖然夜鶯比例上係HG，但係大型機體關係，其實尺寸接近MG了。可動基本上除了兩邊翅膀及燃料棒有少量活動能力外，可以當作雕像擺設。
顏色方面主要用咗 @impez_hk 3隻既紅色，骨架按關常用咗Gaia Nacza既骨架灰，至於其他顏色可以睇最後一張圖有配色表。
另外要推介既就係用今次用左Kosmos出既燈組，官方教學係左攝右攝就得，但係為咗美觀，我係組裝嘅時候用左手鑽將所有電總藏係機體入面。外觀上自我感覺滿分。
價錢：★ ★ ★ ☆ ☆
(印象中現時$400左右可以入手)
組裝難度：★ ★ ★ ★ ★
(自己加刻線膠板有少少不作死，便不會死的感覺)
上色難度：★ ★ ★ ★ ★
(有很多細節自己貪心分了色)
模厘頭評分：★ ★ ★ ★ ☆
(完成後這作品後覺得自己功力有提升了)
相关单品
